ادامه اخراج پناهجویان افغانستان از تاجیکستان

به گزارش دفتر منطقه‌ای خبرگزاری تسنیم، شماری از پناهجویان افغانستان گفته‌اند که با وجود مدارک معتبر قانونی از کمیساریای عالی پناهندگان سازمان ملل، تاجیکستان با اجبار و برخورد خشونت آمیز آن‌ها را اخراج کرده است.

این پناهجویان تاکید کردند تمام دارایی‌های آن‌ها در تاجیکستان توقیف شده است و به افغانستان اخراج شده‌اند.

گروهی از پناهجویان افغان در شهر دوشنبه با راه اندازی یک هشتگ در شبکه‌های اجتماعی خواستار توقف اخراج اجباری از تاجیکستان شدند.

کمیساریای عالی سازمان ملل در امور پناهجویان هفته گذشته در واکنش به اخراج اجباری پناهجویان افغان از تاجیکستان، با انتشار بیانیه‌ای از دولت دوشنبه خواست این روند را متوقف کند.

در این بیانیه آمده است این نهاد طی یک سال گذشته موارد متعددی از بازداشت پناهجویان افغان توسط دولت تاجیکستان، اخراج اجباری آنها و عدم پذیرش افرادی را که نیازمند حمایت بین‌المللی هستند، ثبت کرده است.

انتهای پیام/.